August 7, 2025 chawhnu dar 2 khan PUC Research Scholars Room-ah kumina MILLTA Executive Committee meeting vawi hnihna neih a ni a, committee member 15 telin MILLTA hmalak tawhna bakah, thil pawimawh hrang hrang rel a ni. Hemi rual hian Prof. C. Vanlalhruaia, President chuan MILLTA blog a hawng.
Thu rel zingah hian kumin kum tawp lama MILLTA Inkhawmpui neih chungchang bakah MILLTA journal chungchangte sawi ho a ni a. Kumin kum tawpa MILLTA Inkhawmpui hi December hun remchangah Govt. Aizawl College-a neih tura rel niin, hemi rual hian fiction lam hawi seminar neih tura rel a ni bawk. He seminar-a lo buaipui bik turin heng mite hi ruat an ni:
- Dr. H. Laldinmawia
- Dr. Lalrammuana Sailo
- Dr. Sangrozami
- V. Lalberkhawpuimawia
Hei bakah hian MILLTA journal/e-journal neih dan lo ngaihtuah turin heng mite hi ruat an ni bawk:
- Convener : Prof. C. Vanlalhruaia
- Secretary : Dr. H. Laldinmawia
- Member : Dr. Lalrammuana Sailo leh KC Lalthansanga
Tags
Meeting