Mizo Literature and Language Teachers' Academy (MILLTA) chuan December ni 15, 2023 khan Govt. Aizawl North College-ah ‘INKHAWMPUI 2023' kan nei a. He kan khawmpui hi Pu R. Lallianzuala, Mizo Language Development Board Chairman chuan khual lian niin min hmanpui a. Kan adviser pahnih - Prof Laltluangliana Khiangte leh Prof. R. L Thanmawia ten min uap bawk.
MILLTA inkhawmpuiah hian member zinga superanuation pension-a chhuak mi pahnih - Pi Lalchhandami, Govt. Aizawl College leh K. Lalsangluia, Govt. Hnahthial College te hnenah thlahna thilpek hlan a ni a. Member zingah doctorate degree nei thar pahnih - Dr. Remlalthlamuanpuia, Pachhunga University College leh Dr. Lalzarzova, Mizoram Univer- sity hnenah lawmpuina hlan an ni bawk.
Inkhawmpui chawhnu lamah hian ‘Tunhnai Mizo Literature Dinhmun: Harsatna leh Hmathlir' (Recent Trends of Mizo Literature: Problem and Prospects) chu buatsaih a ni bawk a. Member ten paper an buatsaih chu zir ho a ni a, seminar paper te hi a bua tihchhuah nghal a ni bawk.
Kum 2023 Inkhawmpuiah hian MILLTA danpui, siamthat ngai te siamthat (amend) a ni bawk.
