College Mizo zirtirtuten IPC chungchang zir hona nei

Millta leh Mizo department, MZU buatsaihin July ni 17, 2025 chawhnu khan PUC Lecture Hall-ah 'IPC chungchang leh Syllabus siamrem chungchang sawi hona' buatsaih a ni a. He programme hi Millta President, Prof. C. Vanlalhruaia chuan a kaihruai a, Mizo department, MZU HoD Dr. Zoramdinthara chuan NEP kalphung sawi hawngin, Millta Secretary, Dr. H. Laldinmawia chuan IPC leh Syllabus siamrem chungchang presentation hmangin a sawifiah a. Millta Treasurer, Dr. Enid H. Lalrammuani chuan lawmthu sawiin hun a khar a ni.

He sawi honaah hian Aizawl chhung college hrang hrang leh Aizawl pawn atangin - Kamalanagar College, Hnahthial College, Serchhip College, Kolasib College, Zawlnuam College, Mamit College atangtein member 30 chuang zet an kal khawm thei a ni.